خوشک و برایەك لە دەریاچەی دوکان خنکان

سپێده‌ _ دوكان _ بارزان عوسمان

لەکاتی مەلەکردندا لە دەریاچەی دوکان لە سنوری ناحیەی خدران دوو ئەندامی یەک خێزان خنکان.

ئەفسەری ئێشگر ملازم پشکۆ ڕەئوف لەبەشی پۆلیسی دوکان ڕایگەیاند: لەکاتی مەلەکردندا لە دەریاچەی دوکان لە سنوری ناحیەی خدران دوو ئەندامی یەک خێزان خنکان کە کچێکی تەمەن چواردەساڵان بەناوی حبیبە جەعفەر و جەوهەر جەعفەر تەمەنی حەوت ساڵانەبوە.

وتیشی، دوای گەیشتنی هێزەکانی ئاسایش و پۆلیس تەرمەکانیان دەرهێنرانەوە ڕەوانەی پزیشکی دادوەری ڕانیە کراوە .

ئاماژه‌ى به‌وه‌شكرد،" ئەو خێزانە کۆچەرین و پیشەیان بەخێوکردنی ئاژەڵداریە، لەماوەی دوساڵی ڕابردودا ئەمە یەکەم حاڵەتی خنکانی دوو ئەندامی یەک خێزانە لە ئاوی زێی و دوکان و دەریاچەی دوکان ".